Despois de varios días de adaptación,  hoxe, coa incorporación dos alumnos de ESO, xa estamos todos!

Benvidos a este novo curso 2015-16! Chegamos toda a Comunidade educativa cheos de ilusión para afrontar este novo curso. O Lema deste ano «É xusto e necesario» permitiranos facer fincapé ao longo do curso en todas esas situacións de desigualdade e de necesidade que acontecen na sociedade que nos rodea. Do mesmo xeito, trataremos de coñecer esas realidades, interpretalas e, na medida das nosas posibilidades, transformalas.

Lembrar que, coma sempre, todo o claustro de profesores estamos á vosa disposición para atender as vosas preocupacións, curiosidades, inquietudes e calquera cousa que suceda con respecto aos vosos fillos.

Un saúdo para todos. Feliz e proveitoso curso!